proba de acceso ao blog

Benvido Entroido!!

 Chega a semana máis divertida do ano da man da nosa Meca Científica, Hipatia de Alexandría, coa que teremos que seguir os mandadiños!!

Aquí tedes o de cada día para que poidades preparvos. Lembrade que son acumulativos!

Obradoiros da Asociación Arela para o alumnado da ESO

Hoxe tivemos visita de Carlos, traballador social da Asociación Arela, con quen compartimos dous obradoiros formativos para o alumnado de ESO, dentro do Programa Ktorce18 da Fundación Barrié:

- "Prevención do acoso escolar", para 1º e 2º ESO, centrado na reflexión sobre as responsabilidades individuais e colectivas ante o acoso escolar.

- "Prevención de condutas infractoras", para 3º e 4º ESO, centrado na Lei do Menor.

No noso centro consideramos que a formación do alumnado debe ser integral e que debe dotalo dos coñecementos e das ferramentas necesarias para se converter en cidadás e cidadáns tolerantes para conseguir convivir en paz.

A Asociación Arela ten un longo percorrido pedagóxico e moita experiencia no acompañamento de menores e nos obradoiros divulgativos que perseguen dar resposta preventiva a situacións de acoso, maltrato ou outras condutas infractoras.

Nadal 2022

 Chegou o Nadal e con el toda a tradición destas datas que recollemos nestas fotos:

Educación vial 2022

 Hoxe fomos a Baio a recibir moi boa información sobre educación vial. Ademais pasámolo xenial! 

25N Papaventos contra a violencia de xénero

 Para este 25N, o concello de Zas propuxo elaborar papaventos contra a violencia de xénero.

SAMAÍN

 Coma cada ano, chega o Samaín ao CPI de Zas e con el, os doces, as cabazas decoradas e... as aulas do terror!!

Como novidade, este ano o alumnado de 6ºEP foi o encargado de preparar e acompañar as visitas das súas compañeiras e compañeiros de EI e EP. Este vai ser un bo adestramento para cando cheguen a 4ºESO!!

Por outro lado, o alumnado de 4ºESO tomou o mando da scape room para a ESO, ubicándoa na antiga casa do conserxe. A temática era a recreación dun hospital abandonado cheo de mortos viventes e un feixe de probas que o alumnado debía resolver, case a escuras, para poder saír.

Eis algunhas imaxes do divertido e terrorífico día que vivimos: